En 1936, o franquismo quixo apagar a nosa voz e os nosos pensamentos, quixo roubarnos a choiva. A historia está escrita polo gañador, pero tamén se seguiron escribindo outras historias. Hoxe, coma quen esperta dun longo soño, volvemos a algúns dos lugares onde vivían o silencio e o medo.
Acorda é unha idea orixinal do departamento provincial de Memoria Histórica e foi producida tamén pola Deputación de Pontevedra, que encargou a dirección artística a Uxía e Marina Carracedo, o guión a Lois Pérez, a produción técnica a Lucas Terceiro.