Pamp!, a equipa detrás deste proxecto comezou coa idea de render homenaxe a Ana Kiro e a súa traxectoria con este proxecto, unha colaboración única entre músic@s, enxeñeir@s, e o software de IA. Froito desta unión de creatividade, paixón, talento musical, enxeñaría, tecnoloxía e IA xorde un tema no que a música cobra vida dun xeito nunca antes visto.
Pero non se trata só de máquinas e algoritmos; é a maxia humana a que realmente dá vida a "Florespiña", sempre seguindo os presupostos da equipa PAMP!, que entende a IA como unha ferramenta ao servizo das mentes creativas humanas... É coma se os soños de Ana Kiro se fusionasen coa innovación tecnolóxica e a creatividade para callar nalgo verdadeiramente extraordinario...

En primeiro lugar, a equipa creou unha serie de melodías con ferramentas de IA e partindo de melodías senlleiras da carreira de Ana Kiro, desde os seus inicios ata o seu legado no metaverso.
Entón foi cando a intelixencia artificial se sumou realmente á festa: empregando algoritmos e programas de intelixencia artificial e analizáronse os patróns vocais da artista para xerar un modelo de voz artificial que, mediante transferencia tímbrica, emula a voz de Ana Kiro.

Usando este modelo e os recursos melódicos e literarios xerados tamén con IA, foise armando esta nova peza de repertorio: é coma se a IA xogase cun sintetizador musical xigante, creando sons que complementan a melodía orixinal de xeito único.
É posible qué IA abra unha porta a un mundo de creación e composicion musical totalmente novo, e "Florespiña" é o boleto para entrar!

Así, en definitiva, en “Florespiña”, música e intelixencia artificial abrazanse, complétanse e convértense en algo maior que a suma das súas partes.