Seica se levaba a auga,

seica da auga se leva,

ar mociñas de Melón

cantan que firen a terra.

Para cantar e bailar,

miniña Dios te criou,

para rezar un rosario

outra nena che ganou.

Heiche de comprar un manto,

heiche de comprar un velo,

pero non quero que durmas

na miña cama de ferro.

Eu cantos xa sei un cento

e máis unha sepitiña

e se m'apurades moito

des

Ao carballo caill'a folla,

i-ao castiñeiro a castaña,

i-aor mociños que hai agora

caill'o coiro qu'anda a raña

Séntat'eiquí queridiña

tu nunha pedra ll'eu noutra

axudarasme a lavar

este cestiño de roupa.