Como vai isto?

Volai-vai é basicamente un arquivo de cantigas tradicionais aportadas polos usuarios (o caixón cun buscador avanzado (a peneira) e algunhas outras sorpresiñas que terás que ir descubrindo...

Para comezar:

Como publico as miñas cantigas?
A plataforma está pensada para que @s usuári@s compartades cantigas que coñezades, establecendo unha rede social arredor da literatura tradicional de transmisión oral. Ou sexa, que tamén tedes a posibilidade de facer comentários nas cantigas que outr@s usuári@s publican; ou crear a vosa listaxe de cantigas preferidas.
Para publicar cantigas
  • 1 Rexístrate en volaivai.com para crear un perfil de usuario. Se é a primeira vez, podes clicar no botón de Acceso do menú principal ou directamente en Engadir cantiga: Abriráse un cadro de diálogo para completar o rexistro
  • 2Accede desde o menú principal a Engadir cantiga, ou desde a sección O meu espazo, onde tamén atoparás todo o que precises para xestionar a túa listaxe de cantigas preferidas.
  • 3Para escribires os versos, verás un formulario con 3 apartados para completares. Isto é importante,xa que os datos que introduzas serán os que o sistema logo empregue para peneirar resultados.

Atoparás estes campos para encher:

  • Versos: Dispós de 5 caixas de texto, das que terás que completar un mínimo de 3. obrigatorio
  • Etiquetas: Información da temática e do tipo de cantiga que vas partillar, a escoller das tres listas que aparecen.moi recomendábel opcional
  • Localizador: Podes escribir nesta caixa ou ben un enderezo ou ben coordenadas do Google Maps. Isto é moi útil para facer pesquisas das cantigas por zonas ou mesmo por lugares concretos.recomendábel opcional
  • Publicación: Podes escoller se queres que a tua cantiga sexa visíbel para tod@s, ou só almacená-la no teu espazo. En ambo-los dous casos poderás editá-la ou borrá-la cando queiras indo à sección O meu espazo control da publicación
Que cantigas podo compartir?
Para aclarar, imos acordar chamar “cantiga” ao contido literário da música tradicional. Os versos e letras das cancións, por asi dici-lo.
Trata-se de recuperarmos e pormos en valor esas letras, polo que vos pedimos que sexan cantigas que vós mesm@s aprenderades (indo de recolleita, ou “recollendo” directamente na familia, na casa...).

Nos comentarios podedes tamén facer calquer aclaración, ou sinalar outras versións ou localizacións desa mesma estrofa.

Alén disto, o sistema aceitará cantigas que cadren nestas tipoloxías: Copla Tercetiño Seguidiña
  • Segundo a súa forma: (copla -de 4 versos-, tercetiño -de 3- ou seguidiña -de 5 versos curtos-)
  • Segundo a súa función: (se é unha cantiga específica para algún uso concreto -como "desafio" ou "aña"- ou de carácter xeral para a festa -con nomes distintos segundo a zona, como "serán" ou "ruada")
  • Segundo a súa temática
  • Se nalgunha das tres listas non atopas o que precisas, ou se non queres limitar tanto a pesquisa, podes marcar “todas” ou “outra”, e engadir à cantiga un comentário explicativo. Se queres, tamén podes propoñer-nos etiquetas novas para implementar. En Volai-vai estaremos encantad@s de recibir os teus aportes!
Que máis podo facer?
Podes aportar contido que consideres de interese para gardar nas bitacoras de volai-vai.
No teu espazo atoparas os accesos directos as follas de suxerencias.
Podo aportar ou facer doazóns
O feito é que esta plataforma non ten ningunha axuda pública ou privada, e parte dunha iniciativa de 4 persoas (Tentatoura - deseño gráfico) que pensan que Galiza precisa máis "tecido" dixital, e sobre todo novos espazos onde difundir a cultura tradicional.
Como imaxinas, un proxecto deste tipo leva horas de traballo desinteresado de toda a equipa, mais tamén conleva algúns gastos que cómpre sufragar (como aloxamento e domínio web, por exemplo), e é para ese tipo de gastos que decidimos incorporar as doazóns.
Se ainda segues aquí verás que aínda non apreciamos ningún tipo de subvención de entidades públicas ou privadas.
É porque aínda non temos nada diso ou descoñecen o proxecto.

E se aínda continúas, verás que nestas mesmas liñas sería fantástico poñer un enlace como patrocinador e ser a envexa do cooperativismo e do filantropismo. Emocionámonos só de pensalo, imaxina se é real.

Te esperamos - contacto -