Maruja Flores - Xandre Outeiro

Anque as pedras se volveran,

anacos de carne viva;

eu che teño que querer

anque me coste a vida

Danza da Insual - Festa de Rebordelo

Agora xa non me acordo

nin siquera dos defuntos;

dame risa cando penso,

que temos que durmir xuntos.

Barro

Algún día foches meu,

agora véñote ver

que che quero preguntar

se queres volver a ser.

Pereira - Castro

Non me tires con pedriñas

que estou a lavar a louza

tírame con palabriñas

cando túa nai non ouza

Lola

Ei de subir o carballo

a cortar unha braghasta

que para falar contigho

unha palabra me basta

Pereira - Castro

Carballo verde do monte

augha fría non consente

o que ha de falar conmigho

ha de falar para sempre