Miña nai ten unto vello

dos porcos que ha de matare

tamén ten berzas na horta

das coles que ha de sembrare

En Loureiro non se plancha

que morreo a planchadora,

os mociños de Loureiro

son os que planchan agora

Amores, cortei un dedo

Amores, foi ben cortado

Quen te-no mal que o xema

A min non me dá coidado

Casarei contigo, vello

pero antes facemos trato

eu vou comer tod'a carne

e ti has lamber do prato