Cantigas atopadas: 10

E ao se deitar cun vello

non sei que gusto lle topan,

pola noite dice Ai!

pola mañá dice Opa!

Algún día algo, algo,

i-agora algo, alguiño,

xa non me queren as mozas,

porqu'estou acabadiño.

O tranvia do Porriño

chocou co barco de Cangas

e unha vella que ía dentro

rillou un par de tamancas

Unha vella moito vella,

máis vella qu'o Santo Antón,

botaba unha teta ao lombo

e arrastráball’o pezón

Casarei contigo, vello

pero antes facemos trato

eu vou comer tod'a carne

e ti has lamber do prato

Heime de casar cun vello,

ha de ser con condición:

el ha de vestir mantelo

eu hei vestir pantalón

Unha vella nun curral

dun peido matou un polo.

Se non lle acuden a tempo

mata galiñas e todo.

Un velliño nun curral-e

matou cun peido un polo

Se non lle acuden a tempo

mata ghaliñas e todo

Unha vella cagha o cravo

e outra vella ferraduras,

e quedoull'o cu rabiando

de caghar cousas tan duras

E o casarse con un vello

non sei que ghusto lle topan

pola noite dice, Ai-e!

pola mañá dice, Opa!