Cantigas atopadas: 31

Aquela que anda no baile

Aquela da mandileta

Que se vaia preparando

Pra tocá-la pandeireta

Para facer unha festa

Face-la debidamente

Para facer unha festa

As mozas de San Vicente

Agora non canto máis

que vou dá-la despedida

despedida coma ela

non a dei na miña vida

Veño da terra do ouro

veño da terra dourada

veño da terra dos homes

pero non veño casada

Hoxe rúa, haina, haina

Hoxe rúa ha d'haber

Ela ha de ser en Castro

Ela en Castro ha de ser

Se pola mañán preghuntan

Quen eran as da parranda

Di qu'eran as do Seixido

Porque nelas nádia manda

Arriba, pandeiro roto!

abaixo, manta mollada!

Onde estean as mulleres

Os homes non valen nada

Levai-no, mozas, levai-no

levai-no, que ben se leva

levai-no, mozas, levai-no

o cantar da nosa terra

Aleghria, aleghria.

Eu ben sei onde a haie,

indo polo rio arriba

no muíño de meu pai.

Aghora que ma puxeron

A pandareta na man

Se me peta na cabeza

Canto d'aqui a mañán

Bota-lle máis leña ao lume

Anque* sexa da puleira

Que van entrar a beilare

As mozas da Canceleira

Aghora vou a cantar

que parece que dá ghusto

ver este baile bailar

Por dicir "viva san Roque"

Prenderon a meu irmán

Aghora que xa o prenderon...

Viva san Roque e o can!

Sei un cento de cantigas

e máis unha saquetiña

se me tiran polo xenio

desátoll'a baraciña!

Mándanme toca-la jota

i-eu a jota non a sei-e

Pra quen lle guste e quen baile

eu a jota tocarei-e

Cantai nenas, cantai nenas,

cantai nenas, cantai todas,

unhas porque non queredes,

outras porque son señoras.

Cantai e bailai, miniñas,

e que cale o mundo todo

qu'os qu'están na borralleira

Están queíndo co sono.

Eu non sei que pode haber

nesta casa tanto fume,

é a señora da casa

qu'está ca cazola ao lume.

Eu non sei que pode haber

que non nos deixan entrar

Ou hai broncas nesta casa

Ou non nos teñen que dar

Á señora desta casa

Dios nola deixe vivir,

que pró ano se Dios quer

á porta ll'habemos vir.

I-esta noite hei d'ir á rúa

qu'onte á noite non fun èla

i-esta noite hei d'ir á rúa

ao lugar da Paradela

Xanciño, Xanciño, Xan-he,

sempre moi traballador-he,

a muller prá romaría

el para as súas labores.

Ai adiós martes d’Antroido

adiós ti, meu amiguiño

que ata o domingo de Pascua

xa non como máis touciño

Eu non sei que pode haber

nesta casa tanto fume,

é a señora da casa

qu'está ca cazola ao lume.

Eu non sei que pode haber

que non nos deixan entrar,

ou hai broncas nesta casa,

ou non nos teñen que dar.

E despois de que comamos

cantaremos con máis ghracia,

porqu' os chourizos e o viño

limpan mui ben a gharghanta.

E volta e vira

E volve a virar

As voltas do vira

Son boas de dar

Ou porque non queres

Ou porque non sabes

Ou porque che faltan

As habelidades

Baila, que podes bailar,

que mellores tocadoras

n'as puideches ir buscar

Vamo-nos d'aqui que é hora

Pasa o carro das estrelas

por riba das casas novas

Vinde, mozos, ò serán

as mociña-las de Fofe

deixai-as ir, que xa van