Cantigas atopadas: 7

Aí ven a lancha do mare

A miña é a de diante

Aí ven o meu mariñeiro

Ai ven o meu maleante

Aí vén o vento do mare

aí vén o vento mareiro

aí vén o meu queridiño

vestido de mariñeiro

Vente, ventiño do Norte

vente, ventiño mareiro

Vente, ventiño do Norte

serás o meu compañeiro

Teño lanchas, teño remos

Teño sardiñas no mare

Teño unha moza bonita

Non quero máis traballare

Non te namores, meniña

co mariñeiro do mar,

arma a vela, e arma a vela

e vai cara ao seu lughar

Mariñeiriño do mar

que no mar andas metido

Di-me, ti, dos catro ventos

cal é o máis atrevido

O mar anda que desanda,

anda que desaparece.

Quen ten amores non durme,

quen non os ten, adormece