Atoparonse: 144 resultados
Maruxiña dam'un bico
heiche de dar un abrazo,
non quero bicos dos homes
Que me saben ao tabaco.
O meu amor olvidoume
pensando que eu que choraba,
nunca chorei por amores,
era aghora o que me faltaba.
Eu a Lobeira non vou
ca se non párome moito
unha faliña tras outra
falar d'amor prende moito.
Toca o pandeiro María
e penícallo Manuela,
no camiño me dixeron
qu'eras a flor da canela.
Manoel, Manoeliño,
Manoel feito de cera,
quen me dera se-lo lume
pra que Manoel derretera
Ben te vin entrar na misa,
ben te vin arrodillar-e
e por culpa de te ver-e
non me poiden presinar-e
Esta noite e maila outra
e maila outra pasada
abanei unha pereira
que nunca fora abanada
Chamáchesme moreniña
á vista de tanta xente
e aghora vaime quedare
moreniña para sempre
Chamácheme cadeliña,
e eu non mordín a ninghén
e se ladro á túa porta
é porque che quero ben.
Hei-te d'amar, paxariño
hei-te d'amar ghorrión
hei-te d'amar, paxariño
de dia, e de noite non
hei-te d'amar, a máis hei
non me perda-lo cariño
non che perderei-na lei
Lindos ollos ten a cobra
cando mira de repente
vale máis un desengano
que andar enganada sempre
Da túa ventana* à miña
hai un salto dunha cobra
inda lle hei de chamar
à túa nai, miña soghra
Alghún dia or meus amores
o meu reghalo era velos
aghora en tanto me dá
ghanalos coma perdelos.
Anque che "sea" a vasoira,
o chao non cho hei de varrer,
que se tu m'"olvidaches"
outros che m'han de querer.
Chéghat'ela, chéghat'ela
Chéghat'ela e dalle un bico
se non fora por vergonza
xa lle tiña dado cinco.
Ll'esas túas maos son "blancas",
ll'eses teus dedos de "anillos",
son os que me fan andare
de noite polos camiños
Fuches miña, fuches miña,
e aghora véñote ver
e quéroche perghuntar
si o queres volver ser.
Cantai nenas, cantai nenas,
e deixai falar á xente,
qu'os tempos do amor se van,
non vos ha de durar sempre.
Si queres qu'a i-auga corra
tíralle o terrón á presa
nunca fun nin quero ser
plato de segunda mesa.
As tellas do teu tellado
botan auga sin chover
i-eu ben sei onde dixeches
que non me podías ver.
Piquiniña, piquiniña,
como a agulla de coser
se nacestes un pró outro
que ll'habedes de faguer.
como a agulla de bordar
que ll'habedes d'esperar.
Heiche de comprar un manto,
heiche de comprar un velo,
pero non quero que durmas
na miña cama de ferro.
Non te cases na montaña,
que ch'é terra moi fría,
cásate no baixo d'Esgos
se queres ter fantesías.
Fun buscar o ben che quero
ao arenal de Sevilla,
fun buscar o ben che quero,
trouxen o ben che quería.
Porque dis que te casas
Non te deixo de querer
Casarás e enviudarás
E volverás ao meu poder
Pasei pola tua porta
Pedin-ch'augha e non ma deches
Cando pases pola miña
farei como ti fixeches
O amor que há-de ser meu
hei-no d'escoller a dedo
que non sexa pequeniño
nin ghrande que meta medo
Tanto me ten que me fales
como que pases calado
pena por ti non a teño
loito por ti non o traio
Olvidaches-me por probe
e eu a ti por vinculeiro
inda ti non é-lo ghalo
que cante no meu poleiro
Teño ouro, teño prata
teño calderilla e cobre
de todo che teño un pouco
menos d'amor, que son probe
Vai à merda co teu gharbo
e co teu barreño tolo
nin ti eras para min
nin eu para ti, tampouco
Eu teño cinco xustillos
e os cinco emballenados
tamén teño cinco amores
catro viven enganados
Estando na miña cama
deitadiña co meu home
quen me vai privar a min
de rañar onde me come.
Os solteiros valen ouro
I os casados valen prata
Os viúvos, calderilla
I os vellos, folla de lata
De Lagartóns a Vinseiro
hai moi pouco para andar,
por iso os anamorados
teñen pouco pra falar
Quedaches de vir ás nove
viñeches as nove e media,
pensas que non é pecado
enghañar a unha morena?
De Caroi a Corredoira
hai pouquiño que andar
por iso os namorados
teñen pouco que falar
Tantos que te pretenderon
se os tiveses xuntiños
habíache que facer-e
casona con vinte pisos
Á fonte vouche por auga,
á taberna vou por viño
i a túa casa a buscar
todo enteiro o teu cariño
Casa co home máis feo
se queres pasalo ben
que traballan coma burros
non cho namora ninguén
Capela que non ten santa
non se lle fai oración
amores que non dan gusto
non se lles fai atención
Anda dicindo teu pai-e
que estou toliña por ti
Que estou tola é mentira
pero que te quero si
Miña nai por me casar
ofreceume bois e vacas
e agora que me casei
deume unha taza de papas
As cintas do meu mandil-e
arrastran polos esqueiros
así andan arrastrados
todelos homes solteiros
Eu pedinlle a unha nena
ela non mo quixo dar
Eu pedinllo, ela deumo
e non hai máis que falar
A pereira non da uvas,
a ouveira non da peras;
viva quen ten os amores
no lugar das Tres aldeas.
Algún día foches meu,
agora véñote ver
que che quero preguntar
se queres volver a ser.
Anque as pedras se volveran,
anacos de carne viva;
eu che teño que querer
anque me coste a vida
Anque che son moreniña,
no é do polbo da eira;
xa me verás o domingo,
coma a rosa na roseira.
Aparta loureiro verde
Deixa clarear a lúa
Que estou no medio do monte
Non vexo cousa ningunha
Carballo verde do monte
augha fría non consente
o que ha de falar conmigho
ha de falar para sempre
Ei de subir o carballo
a cortar unha braghasta
que para falar contigho
unha palabra me basta
Non me tires con pedriñas
que estou a lavar a louza
tírame con palabriñas
cando túa nai non ouza
Estou en pasar o río
estou en non o pasar
estou en tomar amores
estou en non os tomar
Asubín ao alcipreste
e beixei de nó en nóe
Ti falas con cantas queres
Eu falo contigho sóe
As estrelas miudiñas
son as que alumbran o tempo.
Home de moitas amantes
varéalle o pensamento.
Non quero zapato baixo
que se me enterra na area,
non quero amores de lonxe
que os teño na miña aldea
Rapaciña do meu tempo
Chamáchesme a min rapaz
durme comigho unha noite
pola mañán mo dirás
O caravel cando nace
de pequeniño recende
non hai cousa máis humilde
que o amor cando pretende
Una noite no muiño
unha noite non é nada
mais durmir coa muiñeira
iso si que é foliada
Mal de amores, mal de amores
como unha silva se quita
que se arranca de cañoto
por onde non ten espiñas
Esta mäñán fun à iaugha
nunca tal augha nacera
que me roubaron o mozo
mentres qu'eu enchín a sella
dentro do peito teño
dúas iscamas dun peixe
unha di-me que te queira
outra di-me que te deixe
Cantigas ao chou
