A Ibon Urizar (Elgoibar 1975), o músico que se agocha detrás do nome artístico Amorante, ten preguiza para gravar discos e defende “a vitalidade e a emoción” dos concertos. A pesar diso, acaba de presentar Harri herri har (Cores prohibidas), un disco de oito cancións e múltiples colaboradores que o afianza unha vez máis no pasado e na tradición, que corrompe coa heterodoxia electrónica e o autotono.