...Estamos no ano 25 da presente era. Toda a Terra de Montes está ocupada… Toda? Non! Unha aldeíña poboada por irreductíbeis castrexos resiste, aínda e coma sempre, ao invasor. E a vida non resulta sinxela para as guarnicións invasoras de Cotobadum, Estradensia e Forcarelia...
Dende o lugar de Castro do Cabo en Cerdedo, chéganos de novo o convite para a segunda edición da Festa das Fontes, unha xornada festiva que pretende pór en valor o seu patrimonio material e inmaterial a quen se queira achegar a coñecelo.
Ao longo do día iranse desenvolvendo diversas actividades: pasa-rúas, intervencións musicais de varios estilos e recitais nas fontes do lugar, concertos, proxeccións, presentacións, instalacións e performances artísticas...
Ademais, con zona de acampada libre e aparcadoiro para furgos!
Apertura do noso "Cinema na corte", onde se proxectarán durante todo o día as filmacións en super-8 da Festa do Can en Castro, dende o 1980 até o 1989.
Pasa-rúas dende a Piñadaghia seguindo o curso da auga e coñecendo as fontes do lugar e os espazos onde se irán desenvolvendo as actividades ao longo do día.
Alba de Vales Contacontos na fonte da aldea de riba.
...vivir no rural, herdar o legado, sermos depositarias da transmisión, visionarias do noso momento...orellas do noso tempo, e memoria das nosas antergas. Eu son unha aprendiz nesta procura de xograresa, ás veces tímida, ás veces valente... porque á par imos entendéndonos na ferida colectiva, que precisa do seu tempo de se encontrar hoxe... nas nosas aldeas e carballeiras, nos torreiros, e tamen nos barrios das cidades.
Peter Sélek ofrece unha pinchada con Galiza como eixo e común denominador, pero transita por centos de mundos, estilos e sonoridades. Música latina, hip-hop, indie, rock, electrónica e, sobre todo, música galega.
P'ra botar uns bailongos!
Benvidxs à nosa aldea, Castro do Cabo.
Temos o pracer de vos convidar a unha xornada chea de música, actividades e algunha que outra sorpresa, da man da asociación Sons do Coto.
Para asegurar que todxs gocedes ao máximo, aquí tendes algunhas suxerencias importantes:
Aparcadoiro:
É mellor que aparquemos os coches e furgonetas na zona designada, que será a mesma área destinada às autocaravanas. ver mapa
Se tedes unha furgoneta e queredes chegar o venres, tamén é posible facelo. Insistimos en que veñades con tempo, xa que o evento comezará ás 12:30 en punto.
Mascotas:
Os vosos compis animais son benvidos, mais pedímosvos que os manteñades perto. A aldea está rodeada de natureza e outros animais, polo que poderían perderse facilmente...
Comida:
Podedes traer as vosas merendas, pero animámosvos a probar as delicias preparadas polos nosos cociñeiros e cervexeiros locais.
Programa:
A festa está deseñada para ofrecer unha experiencia inesquecíbel arredor do lugar. Preparamos un circuíto cheo de sorpresas que comeza o sábado pola mañá. Recomendámosvos chegar con tempo para non perderdes nada.
Doazóns:
O acceso à festa é gratuíto. Non obstante, atoparedes petos onde poderedes facer doazóns voluntarias, que serán utilizadas para cubrir algúns gastos dxs artistas colaboradorxs, seguro do evento, etc. É a nosa primeira edición, e os recursos son limitados, mais estamos certxs de que entre todxs poderemos xuntar pra convocar vindeiras edicións!
Clima:
Prevese un clima moi caloroso. Asegurádevos de mantervos hidratados e considerade traer unha sombrilla... :)
¡Agardamos vervos alí para desfrutarmos xuntxs dun evento memorábel!
Cantigas ao chou
