Recentemente, tivemos o pracer de asistir, grazas á transmisión en directo realizada pola Asociación do baile e a música de tradición galega (AGG), ao V encontro "Tradición en Femenino".
O evento destacou interesantes temas sobre a transmisión do arquivo musical e a responsabilidade inherente a esta tarefa para coa comunidade.
Neste contexto, hai unha pregunta que xorde recurrentemente, e que nos insta a reflexionar: debemos manter as coplas tradicionais ou é hora de adaptalas á nosa realidade cambiante?

Xulia Feixoo proporcionou unha reflexión estimulante ao abordar a elección dos parámetros que consideramos importantes da música tradicional para a creación contemporánea. Destacou a importancia de manter un punto común para fomentar a colectividade.

As palabras de Beatriz Busto sobre os coidados e a prevención diante dos sistemas mercantilistas e transformadores de expropiación cultural resoaron tamén profundamente. Como comunidade, como podemos unirnos para controlar estes procesos de instrumentalización?

Anaïs Barbier, pola súa banda, compartiu a súa experiencia no tecido cultural, abordando diferentes prexuízos relacionados coa música tradicional nos procesos de creación contemporánea, e sinalando a existencia de determinadas barreiras que considera limitantes.

Coma sempre, moi agradecidas á AGG e ás persoas colaboradoras por organizar e partillar actividades tan arriquecedoras coma esta. Que veñan moitas máis!