Atoparonse: 159 resultados
As cintas do meu mandil-e
arrastran polos esqueiros
así andan arrastrados
todelos homes solteiros
Eu pedinlle a unha nena
ela non mo quixo dar
Eu pedinllo, ela deumo
e non hai máis que falar
A pereira non da uvas,
a ouveira non da peras;
viva quen ten os amores
no lugar das Tres aldeas.
Algún día foches meu,
agora véñote ver
que che quero preguntar
se queres volver a ser.
Anque as pedras se volveran,
anacos de carne viva;
eu che teño que querer
anque me coste a vida
Anque che son moreniña,
no é do polbo da eira;
xa me verás o domingo,
coma a rosa na roseira.
Aparta loureiro verde
Deixa clarear a lúa
Que estou no medio do monte
Non vexo cousa ningunha
Carballo verde do monte
augha fría non consente
o que ha de falar conmigho
ha de falar para sempre
Ei de subir o carballo
a cortar unha braghasta
que para falar contigho
unha palabra me basta
Non me tires con pedriñas
que estou a lavar a louza
tírame con palabriñas
cando túa nai non ouza
Estou en pasar o río
estou en non o pasar
estou en tomar amores
estou en non os tomar
Asubín ao alcipreste
e beixei de nó en nóe
Ti falas con cantas queres
Eu falo contigho sóe
As estrelas miudiñas
son as que alumbran o tempo.
Home de moitas amantes
varéalle o pensamento.
Non quero zapato baixo
que se me enterra na area,
non quero amores de lonxe
que os teño na miña aldea
Rapaciña do meu tempo
Chamáchesme a min rapaz
durme comigho unha noite
pola mañán mo dirás
Eu hei d'ir alá
que queiras, que non
ou pola ventana*
ou polo balcón
Papeles son papeles
cartas son cartas
as palabras dos homes
todas son falsas!
O cinto da tua blusa
xa se non usa, toma demónio!
non quero a tua riqueza
quero a pobreza do meu António
xa se non usa color café
quero a pobreza do meu Xosé
Ai! Laurentiña!
limón, laranxa verde,
quen non ten amores
nin gana nin perde
Ai! aghora viras tu,
Ai! aghora viro eu,
Ai! aghora viras tu
o meu amor e máis eu
E ti te-lo te-lo
non mo queres dar
e despois de vella
ha-lo de salar
Vai-te d'aí, cabelo mouro
que xa non te quero máis
anque te coronen d'ouro
Hei-te d'amar, e máis hei
non me perda-lo cariño
non che perderei a lei
O meu amor dito tenhe
o meu amor tenme dito
que o camiño lle convénhe
Eu querer, quero-che ben
tan só me falta saber
se me ti queres tamén
Maruxiña do Portelo
ó teu pai téñolle dito
a túa nai téñolle medo
Mozo da ghorra da feira
se viñas por namorare
viñeras doutra maneira
Caravel, caraveliño
caravel, caraviñol
o día que te non vexo
para min non raia o sol