Atoparonse: 14 resultados
Sei tocá-la pandeireta
tocar sei o violín
tamén sei facé-la burla
de que-na fagha de min
Pandeiro de catro esquinas
Non se toca cunha man
Dai-llo à miña cuñada
A muller de meu irmán
Pandareta, pandareta
pon as ferreñas de punta
aghora que anda bailando
fermosura toda xunta
Arriba, pandeiro roto!
abaixo, manta mollada!
Onde estean as mulleres
Os homes non valen nada
Aghora que ma puxeron
A pandareta na man
Se me peta na cabeza
Canto d'aqui a mañán
Sei cantar e sei beilare
sei tocá-la pandeireta.
Tamén sei face-la burla
de quen me fai a puñeta
Teño unhas castañolas
feitas de madeira seca,
traio-as na faltriqueira,
toco-as cando me peta.
Este pandeiro que toco
é de pelica de can
inda onte berreaba
e hoxe toca no serán
Manoel, Manoeliño
Manoel da rúa alta,
moito te queren as mozas
porque lles tóca-la ghaita.
A miña panderetiña
ten os aros de salgueiro
tócana na miña porta
resona no Mangüeiro
Hoxe aqui non hai cirolas,
hoxe aqui non hai cirolas
que pola falta dos homes.
Cantas as mulleres solas
Alá arriba non sei onde
á porta de non sei quen
topei unhas castañetas
non sei se tocarán ben
Toca Brais
ese tamboriliño
E o Pascual
esa gaita con brío
Toca Brais, toca Brais,
o Pascual esa gaita con brío.
Cantigas ao chou