Axúdanos a medrar
O Volai-Vai é un proxecto independente que tenta ampliar a presenza da cultura galega na rede con medios actuais.
Por que precisamos doazóns?
O feito é que a acollida da primeira versión do Volai-Vai nos deixou algo sobrecollidas, mais despois de recibir tanto feedback e agradecementos desde recunchos de todo o planeta, vímonos na obriga de continuar cun proxecto que nacera máis ben como un experimento, pero que nos demostrou que se pode chegar a converter nunha ferramenta de divulgación moi interesante...
Aínda así, comprenderedes que todo isto ten uns custes de mantemento (aloxamento e dominio web, publicidade, etc.) que na equipa de traballo de Volai-Vai -que xa aporta o seu tempo e traballo desinteresado- non podemos asumir directamente, polo menos de xeito indefinido...
É por iso que decidimos abrir unha liña de doazóns via Paypal que poida facer do Volai-Vai unha plataforma auto-sustentábel que non implique gasto económico persoal d@s compoñentes da equipa, toda vez que -como xa dixemos- ningunha de nós percibe aportación económica polas súas horas de adicación.
As doazóns que recibamos serán destinadas a:
dominio.com
Servidor hosting
A artesa onde se gardan todos os datos que proporciona a plataforma: dende as propias cantigas ás imaxes, pasando polos perfís de usuari@ ou o propio código fonte.
Mantemento
Software para atención aos posíbeis reportes, control de cantigas duplicadas, xestión de imaxes... todas esas cousiñas que fan que o caixón do Volai-Vai se manteña en orde.
Outros gastos
Promoción e publicidade, gastos de desprazamento e compra de material para facer presentacións, e gastos da organización de eventos.
Motivando á equipa...
Como imaxinades, calquera feedback ou doazón que nos fagades chegar énchenos de felicidade e motivación, polo que tampouco non sobra... E tamén o partillardes contido coa plataforma, ou o propio Volai-Vai nas vosas redes sociais. Cant@s máis usuari@s, mellor!
Se chegaches até aquí é porque tes verdadeiro interese en apoiar o proxecto, e de ser así e teres algunha dúbida lembra que estamos ao teu dispor no Este enderezo de correo está a ser protexido dos robots de correo lixo. Precisa activar o JavaScript para velo..
Podes clicar no peto que tes á dereita e aportar a cantidade que queiras. Calquera axuda será benvida!
