Atoparonse: 478 resultados
Miña nai ten tres ovellas
todas elas m'ha de dar
unha cegha e outra coxa
outra xa non pode andar
Estreliña do luceiro
e mai-la da claridá
vais'o día, vens'a noite
vais'a miña mocedá
Ai Pazo de Guimarei
estás que morres de risa
de ver-e ás rapaciñas
con peineta e sen camisa
Canta cuco, canta cuco
na rabela do arado
os homes entr'as mulleres
é-che ghando mal ghardado
Chamáchesme pouca roupa
se tes moita teu porveito
teño menos que quitare
á noite quando me deito
Estando na miña cama
deitadiña co meu home
quen me vai privar a min
de rañar onde me come.
Levántate panadeiro
que te viene la mañana
a xente morre coa fame
ti dá-la volta na cama
E por cousa do teu
erguéuseme o meu
e se o teu tiña gaña
moita máis tiña o meu
Meu irmán, meu camarada,
meu irmán, meu compañeiro,
axúdame meu irmán
a tocar este pandeiro.
Marcadiña das virolas,
eu por iso non te olvido,
que o ceo con máis estrelas
está millor guarnecido
Costureiriña ben guapa
dam'ese alfiler de prata
pra quitar do corazon-e
unha espiña que me mata
vait'andando qu'eu xa vou
vai-me dando claridade
que a lúa xa s'acabou
Os solteiros valen ouro
I os casados valen prata
Os viúvos, calderilla
I os vellos, folla de lata
De Lagartóns a Vinseiro
hai moi pouco para andar,
por iso os anamorados
teñen pouco pra falar
Unha vella moito vella,
máis vella qu'o Santo Antón,
botaba unha teta ao lombo
e arrastráball’o pezón
Hei de escribir unha carta
unha carta hei de escribir
hei de escribir unha carta
e non vai ser para ti
Casarei contigo, vello
pero antes facemos trato
eu vou comer tod'a carne
e ti has lamber do prato
Estou rouca, estou rouca,
estou rouca, ben o sinto,
que me axudou a enroucar
un vaso de viño tinto
Inda che hei de botar unha
Inda che hei de botar tres
Unha capa de piollos
Que che ha de chegar ós pés
Miña cuñadiña nova,
non bota sesta lixeira,
durme polo mes d'agosto
esperta na primavera
Vai e dille à tua nai
se che ten en moita estima
que che meta nunha iarca
e que se senten en riba
Astra a folla do maínzo
ten a súa picardía,
garda o orballo pola noite
pra bebelo polo día.
Xan Guindán foi ao muiño
coa pelica na cabeza
esvaráronlle as chanquiñas
e caiu co cu na présa
O que non canta nin baila
que ven facer ó serán
ven ouvir catro mentiras
para contar de mañán
Tírate desa ventana
cara de sardiñas fritas
que eres capaz de asustar
ata as ánimas benditas.
Ese que anda no baile
ten o bailar peneireiro
Dálle media volta á perna
para que lle ruxa o diñeiro
Se por cantar me pagaran
había de cantar ben
pero como non me pagan
canto mal e fago ben
As garelas de Betanzos
cando van para o muíño
levan un gato esfolado
pra comer polo camiño
Cando se emborracha un pobre
todos din que é un borrachón,
cando se emborracha un rico
"qué gracioso está el señor".
Quedaches de vir ás nove
viñeches as nove e media,
pensas que non é pecado
enghañar a unha morena?
En Loureiro non se plancha
que morreo a planchadora,
os mociños de Loureiro
son os que planchan agora
Arrimeime a ti loureiro
pensando que eras calado,
loureiro, larapeteiro,
todo o tes larapetado.
A lúa para saír
a ninguén pediu licéncia
eu para cantar aquí
pídoa con reverencia
Marmula, marmuladore,
fala de min máis do outro,
no inferno hai unha cama
pra que descanses un pouco
Esta noite pola lúa
teño d'ir a Verducido
a visitar unha nena
que non me sal do sentido
Clarea, lúa, clarea,
polo dios que che mandou
tamén o sol clareou.
Todos en Tui son burros
heinos de cargar de sal
Arre burro, arre burriño!
Arre para Portugal!
Heime de casar cun vello,
ha de ser con condición:
el ha de vestir mantelo
eu hei vestir pantalón
De Caroi a Corredoira
hai pouquiño que andar
por iso os namorados
teñen pouco que falar
Chamachesme pouca cousa
insinuando “pouco vales”
pouca cousa son as moscas
e acaban cos animales
No tellado do concello
hai un niño de carrizo
que se caga polo alcalde
e máis pola nai que o fixo
Púxenlle un preit'ó veciño
polo rego dun outeiro,
ghastar ghastei canto tiña
pero amolar amoleino
Inda che hei botar unha
inda che hei botar outra
inda che hei botar unha
que che ha de queima-la roupa.
Viñeches a pé de min
por sabé-lo meu en tempo
aghora quedeime rindo
do teu pouco entendimento
Tantos que te pretenderon
se os tiveses xuntiños
habíache que facer-e
casona con vinte pisos
Quen me dera en Caroi
un pedaciño de terra
para ir botar a auga
e pasearme por ela.
Á fonte vouche por auga,
á taberna vou por viño
i a túa casa a buscar
todo enteiro o teu cariño
A miña sogra morreume
e enterreina no palleiro
deixelle o brazo de fóra
pra que tocara o pandeiro
Casa co home máis feo
se queres pasalo ben
que traballan coma burros
non cho namora ninguén
Indo polo Seixo arriba
deille a volta ao meu capote
acordoume miña nai
e máis as papas do pote.
Capela que non ten santa
non se lle fai oración
amores que non dan gusto
non se lles fai atención
Pasei pola Corredoira
deille un abrazo a un toxo
adiós toxo regalado!
adiós regalado toxo!
Anda dicindo teu pai-e
que estou toliña por ti
Que estou tola é mentira
pero que te quero si
Miña nai por me casar
ofreceume bois e vacas
e agora que me casei
deume unha taza de papas
E ti dis que tes, que tes
eu vou ver e non tes nada
tiña-la casa caída
a pared'arruinada
Andivécheste gabando
que te querían os mozos,
quen te ha de querer a ti
sacho de cavar nos toxos
Miña sogra din que é bruxa
heina de facer rabiar
Nin lle m'hei casar co fillo
nin llo hei deixar casar
Sei cantar e sei bailar
tamén sei pinta-lo mono
Son filla dunha viúda
teño que saber facer de todo
As cintas do meu mandil-e
arrastran polos esqueiros
así andan arrastrados
todelos homes solteiros
Teño unha herba na horta
que lle chaman curriola
Para falares comigo
fáltache un ano de escola
Pasei a Ponte de Ourense
paseina na carreiriña.
Tirei un tiro a unha lebre
matei unha costureiriña
Teño pena e alegría
teño dous males a un tempo
cando a pena me mata
a alegría dame alento
Unha vella nun curral
dun peido matou un polo.
Se non lle acuden a tempo
mata galiñas e todo.
As ovellas de meu pai
teñen a glória ganada
coméronll'a erva ó cura
fun por lan, vin trasquilada
Se queredes que vos cante
habédesme dar diñeiro
porque a miña gargantiña
non ma fixo un carpinteiro