Atoparonse: 520 resultados
Teño pena e alegría
teño dous males a un tempo
cando a pena me mata
a alegría dame alento
Unha vella nun curral
dun peido matou un polo.
Se non lle acuden a tempo
mata galiñas e todo.
As ovellas de meu pai
teñen a glória ganada
coméronll'a erva ó cura
fun por lan, vin trasquilada
Imos da-la despidida
entre Ghalisia e Jamaica
imos da-la despidida
que xa non se oe a ghaita
Se queredes que vos cante
habédesme dar diñeiro
porque a miña gargantiña
non ma fixo un carpinteiro
Adiós feira de Famelga
feira de pasar o tempo
onde se van pasear
catro cabezas de vento
Malo raio parta ós homes
o primeiro xa é o meu
que o mando traballar
dime que traballe eu
Un velliño nun curral-e
matou cun peido un polo
mata ghaliñas e todo
Por bailar a mazurca
soio por eso
por bailar a mazurca
lévanme préso
Ti deixachesme por pobre
eu por rico te deixei.
Vale máis pobre con honra
que rico de mala lei.
Unha vella cagha o cravo
e outra vella ferraduras,
e quedoull'o cu rabiando
de caghar cousas tan duras
Eu pedinlle a unha nena
ela non mo quixo dar
Eu pedinllo, ela deumo
e non hai máis que falar
Fostesvos ghabar ghabachas
de cousas que non fixestes,
déstesme un bico no cu
que na cara non puidestes
Déchesm'unha pera parda
toda rillada dos ratos
a quen lle deche-los bicos
dá-lle tamén os abrazos
Esta traza non ten traza
a trazante que a trazou
botou as liñas moi altas
o seu tempo non chegou
Se queres que o carro cante
móllale o eixo no río
verás como de mollado
canta coma un asubío
Chamáchesme trubisquiña
erva que o gando non come
vale mais ser trubisquiña
que muller de ruín home
Miña nai ten unto vello
dos porcos que ha de matare
tamén ten berzas na horta
das coles que ha de sembrare
A miña panderetiña
ten os aros de salgueiro
tócana na miña porta
resona no Mangüeiro
Pasei a Ponte Loureiro
paseina de madrugada
topei un anel dourado
nunha mazá colorada
O cura e máis a criada
ordenaron de cocere
a leña estaba no monte
e a fariña por moere
Hei de subir ao loureiro
ao ramalliño máis alto
se caír, agarrareime
ao do sombreiriño branco
ao ramalliño do medio
ao do sombreiriño negro
Cando era pequeniño
e tiña que ir co ghando
comía a merendiña
antes de chegar ao prado
Polo río arriba
vai unha raposa
leva o cu aberto,
non hai que llo cosa.
Polo mar abaixo
vai unha sartén,
se levara ovos
iba eu tamén.
A miña sogra é unha "zorra"
heina de facer rabear-e
nin me ll'hei casar coa filla
nin lla hei de deixar casar-e
E o "casarse" con un vello
non sei que ghusto lle topan
pola noite "dice", Ai-e!
pola mañá "dice", Opa!
Arre burro desta porta!
qu'eiquí non se che dá cebada,
ón burro coma tu,
calquera lle pon albarda.
Corta rente, corta rente,
corta por baixo da mao,
corta rente, corta rente,
mociña de San Cibrao.
Pensas que porqu'es moi rico
que xa me tiñas na mao,
moitas serdas ten un porco
e mais non sai de marrao.
Á señora desta casa
Dios nola deixe vivir,
que pró ano se Dios quer
á porta ll'habemos vir.
Eu non sei que pode haber
nesta casa tanto fume,
é a señora da casa
qu'está ca cazola ao lume.
que non nos deixan entrar,
ou hai broncas nesta casa,
ou non nos teñen que dar.
E despois de que comamos
cantaremos con máis ghracia,
porqu' os chourizos e o viño
limpan mui ben a gharghanta.
Para Carballo vou rindo,
para Verdillo cantando,
par' a parroquia de Bértoa,
vou como a troita nadando.
Arrurrú,
a tranca no cu
morreu teu pai
non morras tu.
Fan as papas na culler
Vén o ghato por detrás
Arrabuña o rapaz
Arrorró, meu neno ro.
Ar mociñar de Parada
"dicen" que non beben viño,
e debaixo do mantelo
levan o xarro escondido.
Malo raio parta o raio
que o meu cabalo fendeu
se non fora o malo raio
cabalo inda tiña eu
Hei-che de dar viño tinto
sopas de pan barolento
comigho raña-la pava
con outros pasa-lo tempo
O anel que me deches
onde vai que o perdín.
Boteino da ponte embaixo,
tamén te botaba a ti.
Labradora non a quixen
non a quixen labradora
funa buscar a Miñarzo
panilleira e iatadora
Hai que afiala, hai que afiala,
a navalla de Pepe non corta nada:
non corta nada, corta bastante,
se non corta para tras, corta para adiante
Hoxe aqui non hai cirolas,
hoxe aqui non hai cirolas
que pola falta dos homes.
Cantas as mulleres solas
Casariame en Filgueira,
casariame en Vilar;
se non fora pola xente,
que rebenta a traballar,
Se eu fora paxariño
e que puidera voar;
máis de cen veces o día,
iríache visitar.
O paxaro de María
anda nas miñas cereixas
come paxariño come,
veremos as que me deixas
A pereira non da uvas,
a ouveira non da peras;
viva quen ten os amores
no lugar das Tres aldeas.
Algún día foches meu,
agora véñote ver
que che quero preguntar
se queres volver a ser.
Agora xa non me acordo
nin siquera dos defuntos;
dame risa cando penso,
que temos que durmir xuntos.
Anque as pedras se volveran,
anacos de carne viva;
eu che teño que querer
anque me coste a vida
Anque che son moreniña,
no é do polbo da eira;
xa me verás o domingo,
coma a rosa na roseira.
Aparta loureiro verde
Deixa clarear a lúa
Que estou no medio do monte
Non vexo cousa ningunha
Unha vella dixo a outra
polo cachucho da porta:
si ch´o crego pide un bico
dálle unha figa retorta
Carballo verde do monte
augha fría non consente
o que ha de falar conmigho
ha de falar para sempre
Ei de subir o carballo
a cortar unha braghasta
que para falar contigho
unha palabra me basta
Non me tires con pedriñas
que estou a lavar a louza
tírame con palabriñas
cando túa nai non ouza
Estou en pasar o río
estou en non o pasar
estou en tomar amores
estou en non os tomar
Eu onde estou ben vexo
dous coenllos a brincar
tamén vexo os meus amores
e non lles podo falar
Desde a Lama pra Seixido
eche todo costa arriba
todo cheo de silveiras
pra que rasque-la barrigha
Do alto do Nadighón
Cabalar véseche ben
vale mais caste das Doiras
que canto Cabalar ten
Esta noite fun á festa
por bailar con meu irmán
levei os zapatos novos
trouxen a sola na man
Malo raio parta o rato
e veña polas formighas
que me rillaron o libro
onde aprendín as cantighas
Ó abade de Covelo
morreulle a besta marela
tódolos qu´aquí non canten
levan o camiño dela